السبت، ٢٤ مارس ٢٠٠٧

يويميات طالب حاسبات




بسم الله الرحمن الرحيم
يوميات طالب حاسبات

تعالوا كده نستعرض يوميات طالب في حاسبات ونشوف اية اللى بيجرا
في البداية تصحي الساعة 7 وعلى ما تتوضا وتصلي وطبعا مبتفطرش ولو بتفطر يبقي حاجة في السريع المتدهولوتلبس وتروح الموقف وتركب المهم توصل الكلية على 9 وكل ده علشان تحضر محاضرة للدكتور .....أو .....وواحتمال كمان متلحقش وميدخلكش مش المشكلة اصلا انك متدخلش المشكلة انها .... والا بلاش


ما حلينا

المهم تروح هناك تكمل نومك

وطبعا مبتفهمش حاجة وبعديها بقي تطلع على سيكشن وتتعصر دماغك فية وطبعا مبتفهمش حاجة لانة سيكشن .......ا

المهم تطلع من السيكشن تدخل على محاضرة بقي اخر دلع دكتور ...... وطبعا بقي صبح تاتة 2 × 3 وهتتظبط يعنى هتتظبط

المهم تروح وعلى ما توصل بقي وتظبط نفسك تكون الساعة 8 والا حاجة طبعا مش هتذاكر هتعيش شوية مع نفسك ع النت وكده ولو
هتتهبب شوية قصدي تذاكر شوية

وفي الاخر تنام وتصحي تكرر نفس الحلقة الخنيقة جدا


ومن هنا طبعا لينا ملاحظات
بالنسبة للصحيان والمواعيد

ما احساسك عندما تتصل بصديق في تجارة وتجده نائم وانت لا


بالنسبة بقي للمواعيد

ما احساسك عندما عندما تعلم ان لديك محاضرة الساعة 9 صباحا و جميع الكليات حولك تبدا محاضراتها الساعة 10 او 11

اما بالنسبة للمحاضرات ال3 ساعات والسكاشن بقي

فما احساسك عندما تستيقظ كل يوم و تعلم ان لديك مجموعه من السكاشن و المحاضرات و غيرك بياخد 3 ايام اجازة فى الاسبوع غير
الجمعة و العطلات الرسمية
وياريت بعد كل ده الواحد نافع لا

ندخل بقي ف لشعور الطيب


انت بتدرس و صاحبك اللى ف تجارة خلاص وبيشتغل بكورس كمبيوتر


... انت فى الجيش و صاحبك بتاع اداب بيتجوز


انت بتبدا حياتك و صاحبك بتاع خدمة اجتماعية اتجوز و خلف 3 عيال و سافر برة يشتغل و رجع بعد طول

اية احساسك لما متلاقيش في كليتك كافتريا عدلة


اية احساسك لما متلاقيش فى كليتك مسجد تصلي فية


وفي النهاية هذه سنة الحياة

وملحوظة هامة جميع الاراء من وحى الكاتب ولا تعبر عن اى اى اى شئ من الحقيقة

وربنا يستر
تحياتى معطى



هناك ٣ تعليقات:

بنت من زحل A girl from Saturn يقول...

اكيد كليتنا فيها سلبيات زى الكافيتريل والمسجد وهكذا
بالنسبة بقى لموضوع الصحيان بدرى والمحاضرات والسكاشن
الواحد لو حابب كليته وحابب دراسته
مش هيشغل دماغه بالحاجات دى
انت مثلا بتقول انك بتصحى الساعة 7
انا بقى باصحى الساعة 6 إلا ربع
ما تفكرش كتير فى الحاجات دى عشان مش تتعب
اعمل اللى عليك وسيب الباقى على ربنا ماحدش بياخد اكتر من نصيبه
وربنا يوفقنا كلنا

غير معرف يقول...

thanks
شهد فيلم اغانى نانسى عجرم هيفاء وهبى عمرو دياب تامر حسنى
www.sh8d.com

دليل شهد
www.sh8d.com/dlil

شركة معطى اشهار تنشيط اضافة محتويات استضافة تصميم
www.mo3ty.com

Emad Elsaid يقول...

ايه يا عم انا جالى احباط على فكرة انا مش عارف ... يابنى بص على الجانب المشرق انت مكتئب كده ليه ...